ယုံကြည်မူနန့် အရာအားလုံးကိုပုံလို့
ဝါးရုံပင်နား ၀မ်းလျားမှောက်ဗျာလ်လဲ
အိပ်ခရရေ ညဥ့်ချေတိကို ခုံမင်တတ်လာဗျာလ် အမင်
အအီးမြဆုံး အနွီးထွီးဆုံး အငြိမ်းချမ်းဆုံး အလုံခြုံဆုံး
ဆိုရေ အမင်အိမ်ကို ကျောခိုင်းလို့
အရိုးမြီစာပုံကိုလေ့ ၀သုန္ဒရီထံ သစ္စာပြုရင်း
သာခြင်းဆိုဗျာလ် ချော့သိပ်တတ်နီဗျာလ် အမင်
ဘုံမိနက်သန်မြီအတွက် သစ္စာရီတခွက်ကိုလေ့
မဆိုင်းမတွ မော့သောက်ပြီးဗျာလ် အမင်
သဇင်ပန်းတစ်ခက်တန်ဖိုးကိုလေ့ ရခိုင်အာဇာနည်များ
ဘိမာန်မှာ ထိုးတင် ရှိခိုးတတ်ဗျာလ် အမင်
ရိုးမအလှတရားနန့် အမျိုး သီလ ကိုလေ့
မလဲပြိုရအောင် စွမ်းဆောင်ပီးဖို့ နိူးကြားတတ်ဗျာလ် အမင်
ဝတီလေးရပ်ကို ကားစင်ပေါ်တင်ဗျာလ် ခွတ်ပြရေနိ့
နဒီလေးရပ်ထဲ သွီးစီးကျခရေနိ့ကိုလေ့
မိမရအောင် နှောင်တွယ်တတ်ဗျာလ် အမင်
အမင် ဇာပြောချင်လဲ
မကွဲပြားကေ အရင်က၀င့်ကြွားနီခရေ
အာန္ဒာစန္ဒြား ကျောက်စာ နားကိုလားကြည့်
အော်ဟစ်လို့ ငိုကြွီးနီစွာကို အမင် ကြားပါလိမ့်မယ်
နန်းအိုပျက်လေ့ ရွှေအိုရောင် အတိတ်ကိုလွမ်းရင်း
မပြီးမချင်း စီးချင်းတိုက်ပွဲအတွက်
ရက်ချိန်းကို အံကြိတ်ဗျာလ် စောင့်နီစွာကို
အမင် မျှက်ဝါးထင်ထင် မြင်ရေမလား
ကိုးလလွယ် ဆယ်လနန့် မွီးထားရေ အမင်သားသျှေလေ
ရက္ခအကျိုးကို သယ်ပိုးနိူင်အောင် ဂနိူင်တောမှာ
သောကမျှက်ရည်တိကို အဖော်ပြုလို့
အမင်ကို တစ်သက်လုံးပြုစုမယ်လို့
ပီးခရေကတိချေတိ အသဲမှာလာခုတိုင်း အတိုင်းမသိ
လွမ်းမိတတ်နီဗျာလ်ကား အမင် ...
လီနင်ရာလွှင့်နီရေ မိုးရိပ်ချေတိကိုငေးဗျာလ်
အမင်ရင်ခွင်မှာ အရင်တစ်ချိန်က သာနီခရေ
လစန္ဒာကိုလည်း ပြီးပြီးလတ်ပါ သားသျှေ အငိုရပ်အောင်
မရပ်မနား လားလားပြီးခေါ်နီမိရေ အမင်
အမင်
နန်းအိုဟောင်းမှာ သဇင်ပန်းချေတိ
ဖူးပွင့်ဝေဆာနီရေ နိ့သည်ပင်လျှင်
မျိုးချစ်သားကြီး သြရသ ရက္ခမြီကို ခြီချရေနိ့ဗျာလ်
မပြီးသတ်သိဥ့်ရေ တော်လှန်ရေးအတွက်
အသက်နန့်ကိုယ် ပီးဆပ်ထားကတ်ရေ
အမင်သားပိုင် ရီခမ်းငါးအပေါင်းရို့
နိူ့ရည်စက်တိကို ဆာလောင်မွတ်သိပ်နီကတ်ပါရေ
မကျီပွဲအတွက် သနတ်ကိုကိုင် ဗုံးကိုဖက်
ညမရွီးနိ့မရှောင် တောင်စိုင်တောင်ကြား
အသဲယားစရာကောင်းရေ တိုက်ပွဲအတွက်
အမင်သားသျှေက အက္ခရာအကျဆုံး အဖိုးတန်ဆုံး
ကျည်တစ်ထောင့် ဗုံးတစ်လုံး ဖြစ်ရေဆိုစွာကို
အမင်ကြားကေ ဗုန်းခနဲလဲကျလားဖို့လားမသိနန်း
ရွီးချယ်လိုက်ရေလမ်းက အခက်အခဲ
ဒုက္ခတိနန့် ပြည့်နက်နီရေကား အမင်
အမှန်ပင်လှမ်းလာဖို့လမ်းကို သပြီပန်းနန့်
မြို့အ၀င်က အမင် စောင့်ကြိုနီလီပါ
မဖြေသာကေလေ့ ဝေဒနာကို
အဟာရဖြစ်အောင် ကျိတ်ဗျာလ်မျိုချ
ဗဟိုရ်စည်သံကြားကေ အမင် အငိုရပ်ပါဇီ
တိုက်ပွဲအလီလီ အစီအရီကို
နှစ်နန့်ချီလို့ အသီခံဗျာလ်
ပြတ်ပြတ်သားသား မားမားရပ်ပြခရေ သူရဲကောင်းရို့
အကျွန်ပြည်ချစ် မြီထက်မှာ ဒူးမထောက်ဆိုရေအကြောင်း
နှောင်းတစ်ရက်မှာ မဟောင်းရေပုံပြင်အဖြစ်
အမင်ကို မဖြစ်ဖြစ်အောင် ပြောပြလီကတ်ပါ
အမင်ကို မဖြစ်ဖြစ်အောင် ပြောပြလီကတ်ပါ ။
ရွီးသူ- စောသဇင်
မှတ်ချက်။ ။အေအမ်ပီက ကူးယူဖော်ပြပါရေ။
မှတ်ချက်။ ။အေအမ်ပီက ကူးယူဖော်ပြပါရေ။
No comments:
Post a Comment