နိုင်ငံတကာရောက် ရခိုင်သားများသို့ အိတ်ဖွင့်ပီးစာ

နိုင်ငံတကာရောက် ရခိုင်သားများသို့ အိတ်ဖွင့်ပီးစာ

နိုင်ငံတကာရောက် ရခိုင်သားများသို့ အိတ်ဖွင့်ပီးစာ
ရက်စွဲ၊ ဇွန်လ (၁၆)ရက်၊ ၂၀၁၁။

လေးစားချစ်ခင်လျှက် -

အရောင်းအရာ။ ။ နိုင်ငံတာကာ၌ “ရခိုင်ပြည်ကိုလိုနီဖျက်သိမ်းရေးကော်မတီ” ဖွဲ့စည်းပြီး လှုပ်ရှားဆောင်ရွက်ကြရန် တိုက်တွန်းနှိုးဆော်ချက်။



အို…မျိုးချစ်ပြည်ချစ်များ အပေါင်းရို့…
http://www.freerakhaing.blogspot.com
အဖရခိုင်ပြည်ကြီးရေ တပါးသူလက်အောက် ကိုလီုနီကျွန်အဖြစ် ကျရောက်ခြင်းရေ (၂၂၆)နှစ် ယှိပါပြီ။ ယင်းကျွန်သက် အဆက်ဆက်မှာ န၀တ (နအဖ) စစ်အာဏာရှင်ငါးဆက် စစ်ကျွန်ဘ၀ကို ဖြတ်ကျော်ချိန်မှာကား ရခိုင်လက္ခဏာ အရပ်ရပ်ကို ဖေါက်ဖျက်ဆီးလုယက်မှုခံရ ကာ ဇာတိမာန်ပျောက်၊ လူမျိုးပါပျောက်တေ ဘ၀သို့ ရောက်ခဲ့ပြီးဗျာလ်ဖြစ်တေ။ စစ်အာဏာရှင်ရို့ရေ ရခိုင်လူမျိုးများကို စီမံကိန်းချ လူမျိုးပျောက်အောင် ကြံဆောင်နီကတ်တေ။ ပထမစီမံကိန်းအဖြစ် စီးပွားကို အသီသတ်တေ။ ရခိုင်အမျိုးသားရို့ မိဘဘိုးဘွားပိုင် လယ်ယာမြီများကို မတရားသိမ်းပိုက်ခံရခြင်း၊ သဘာဝအရင်းအမြစ်များကို ဖျက်ဆီးခံရခြင်း၊ ကျေးကျွန်သဖွယ် အဓမ္မလုပ်အား ခိုင်စေခြင်း၊ ညှင်းပမ်းနှိပ်စက်ခံရခြင်း၊ တားဆီးပိတ်ပင်းခံရခြင်း၊ ငွေညှစ်တောင်းခံရခြင်းဖြင့် စီးပွားရီးကို အသီသတ်ကတ်တေ။ ဒုတိယ ရခိုင်အမျိုးသမီးများနှင့် သွီးနှောကတ်တေ။ ရခိုင်ပြည်ရှိ တပ်ရင်း (၃)ရင်းမှ တပ်ရင်းပေါင်း (၆၀)ထိ တိုးချဲ့ချထားကာ စစ်ဗိုလ်စစ်သား များနန့် ရခိုင်အမျိုးသမီးများကို လက်ထပ်ယူငင်စေကာ မတရားသွီးနှောကတ်တေ။ တရားမ၀င်မယားများကား ဒုနန့်ဒေးယှိသိမ့်ရေ။ တတိယ ရှေးဟောင်းအမွေအနစ်များကို ဖျက်ဆီးကတ်တေ။ ရခိုင်ပြည်၌ ကားလမ်း၊ ရထားလမ်းတည်ဆောက်မှုကို အကြောင်းပြကာ (BC ၆)ရာစုမှ တည်ရှိခဲ့ရေ ဓည၀တီမြို့တော်ဟောင်း အပါအ၀င် ရှေးဟောင်းမြို့တော်များရှိ သမိုင်းအမွေအနစ်များကို ဘော်ဒူဇာနန့် တူးဖြိုဖျက်ဆီးပစ်ကတ်တေ။ အထူးသဖြင့် တန်ဖိုးမဖြစ်နိုင်ရေ ရှေးဟောင်းအမွီအနစ်များကို ရည်ရွယ်ချက်ရှိရှိ ဖျက်ဆီးခြင်းဖြင့် ရခိုင်လူမျိုးများ၏ အတိတ်သမိုင်း မှေးမှိန်ပျောက်ကွယ်အောင် လုပ်ဆောင်နေကြခြင်းကို ခံနေရရေ။

အို…မျိုးချစ်ပြည်ချစ်များ အပေါင်းရို့…

စစ်အာဏာရှင် ငါးဆက်ရို့ရေ ရခိုင်ပြည်ကို အထက်ပါကဲ့သို့ စီးပွားရေး၊ လူမှုရေး၊ နိုင်ငံရေး နယ်ပယ်အသီးသီးကို စစ်အာဏာနန့် ချုပ်ကိုင်ကာ မိမိရို့ လိုသလိုထင်တိုင်းချဲလှဲ၍ အားမရသေးဘဲ (၂၀၀၈)ခု ဖွဲ့စည်းပုံ၌ ဒို့အရေးသုံးပါး အတင်းအဓမ္မ ထည့်သွင်းရွီးဆွဲကာ ထပ်မံကျွန်ပြုဖို့ ကြိုးစားနိန်ကတ်တေ။ ယင်းနန့် ငါရို့ရေ အမျိုးသားရေးတာဝန်ကို ကျေပွန်စွာ ထမ်းဆောင်ကတ်ဖို့ အချိန်တန်ဗျာလ် ဖြစ်တေ။ အေခေတ်အေချိန်မှာ တာဝန်မဲ့လူသားအဖြစ်သာ မေ့မေ့လျော့လျော့ ဆက်လက်လားကတ် နိန်ထိုင်ကတ်ဖို့ဆိုကေ (၂၁) ရာစု မကုန်မီပင် ရခိုင်ဆိုစွာ မျိုးပျောက်လားနိုင်ရေ။

ကိုလိုနီကျွန်သက် အဆက်ဆက်မှာကား ရခိုင်သား မျိုးချစ်အာဇာနည်များရေ။ အမျိုးသားရေး၊ လွတ်လပ်ရေး တရားရေးစစ်ပွဲကို ရဲစွမ်း သတ္တိရှိစွာ တော်လှန်ခကတ်တေ။ ဗမာပဒေသရာဇ်ခေတ်မှာဖြစ်စီ၊ ဗြိတိသျှအရင်းသျှင် နယ်ချဲ့ခေတ်မှာဖြစ်စီ၊ ပြည်ထောင်စုခေတ် ဖဆပလ၊ မဆလနှင့် န၀တ၊ နအဖ စစ်အာဏာရှင် အဆက်ဆက်ရို့ကို အောင်လံမလှဲ တော်လှန်တိုက်ခိုက်တုံးပင် ရှိသေးရေ။ ယင်းမျိုးချစ် အာဇာနည်များရေ အမျိုးသားရေး တာဝန်ကြေပွန်သူများ ဖြစ်ကတ်တေ။

အို…မျိုးချစ်ပြည်ချစ်များ အပေါင်းရို့…

ငါရို့ရေ ယင်းမျိုးချစ် အာဇာနည်များ၏ နယ်ချဲ့ဆန်ကျင်ရေး၊ အမျိုးသားလွတ်လပ်ရေး၊ တရားရေစစ်ပွဲကို ဆင်နွဲကြရန် လက်ဆင့်ကမ်း တာဝန်ယူကတ်ရဖို့ဖြစ်တေ။ အမျိုးသားရေး တိုက်ပွဲဆိုစွာ လူမျိုးတိုင်းမှာယှိရေ။ မိမိတိုင်းပြည်ကို ကျူးကျော်ခံရကေ၊ မိမိတိုင်းပြည်ကို ၀င်ရောက်သိမ်းပိုက်မှုကို ခံရကေ ယင်းလူမျိုးရေ အမျိုးသားရေး တိုက်ပွဲကို မလွဲမသွေဆင်နွဲရရေ။ အခုလည်း ဗမာကိုလိုနီ ကျွန်ဘ၀ဖြစ် နေရရေ ငါရို့လူမျိုးများရေ အမျိုးသားလွတ်လပ်ရေး တရားရေစစ်ပွဲကို တိုက်ခိုက်ဖို့ရန် ရခိုင်သား/ရခိုင်သူမတိုင်းမှာ တာဝန်ယှိရေ။ ယင်းတာဝန်ကို အခြားသူပီးခြင်း မဟုတ်ဘဲ မိမိရို့အသိ၊ မိမိရို့အလိမ္မာနန့် အမျိုးသားရေး တာဝန်ကြေပွန်အောင် ညီညီညာညာ ထမ်းဆောင်ကတ်မေ။

အို…မျိုးချစ်ပြည်ချစ်များ အပေါင်းရို့…

ငါရို့ရေ အမျိုးသားလွတ်လပ်ရေး တရားရေစစ်ပွဲကို ဆင်နွဲရာမှာ အတိတ်နှင့် ပစ္စုပ္ပန်ရေ တိုက်ပွဲသဏ္ဍာန်နန့် ရေစီကြောင်းအရ မတူကြပေ။ ပဒေသရာဇ်ခေတ်နှင့် အရင်းရှင်ခေတ်ထက် (၂၁)ရာစုခေတ်ရေ တိုးတက်သော နည်းပညာနှင့် ဆက်သွယ်ရေးစနစ် အထူးကောင်းမွန် တိုးတက်လာရေ။ နည်းစနစ်နှင့် ကျင့်သုံးပုံ၊ နည်းပညာလည်း ပြောင်းလွဲလာရေ။ (၂၁)ရာစုခေတ်ရေ နည်းပညာခုံပျံ ကျော်လွှားလာရေ ခေတ်ဖြစ်တေ။ ငါရို့ရေ ခေတ်နန့်အညီ နယ်ချဲ့ဆန့်ကျင်ရေး၊ အမျိုးသားလွတ်လပ်ရေး တိုက်ပွဲပုံသဏ္ဍာန်ကိုလည်း ပြောင်းလဲပြင်ဆင်ဖို့ လိုအပ်ကြောင်း ထောက်ပြလိုရေ။ မျက်မှောက်ခေတ်ရေ အာဏာရှင်များကို နည်းပညာနှင့်အ သုံးပြုပြီး တဦးပြီးတဦး ပြုတ်ကျနီကတ်ဗျာလ်ဖြစ်တေ။ ငါရို့လည်း ဗမာကိုလိုနီကျွန်ဘ၀မှ လွတ်မြောက်အောင် အမျိုးသားအချင်းချင်း နည်းပညာကို အသုံးချကာ Outline မှတဆင့် ချီတက်ကတ်မေ။

အို…မျိုးချစ်ပြည်ချစ်များ အပေါင်းရို့…

နယ်ချဲ့ဆန့်ကျင်ရေး၊ အမျိုးသားလွတ်လပ်ရေး တိုက်ပွဲပုံသဏ္ဍာန်ကို ချပြပါကေ ငါရို့လုပ်ဆောင်ရဖို့ တိုက်ပွဲပုံသဏ္ဍာန်ရေ သုံးမျိုးယှိရေ။ ယင်းမှာ - (၁) သမိုင်းတရားခံ ဖေါ်ထုတ်ရေး၊
(၂) ဗမာကိုလိုနီစနစ် ဖျက်သိမ်းရေးနှင့်
(၃) ရခိုင်ပြည်ကိုယ်စားပြု တပ်မတော်ဖြစ်ပေါ်ရေး ဟူ၍ Target သုံးခုကို ချမှတ်ထားရေး။ ဤသုံးခုကို ရခိုင်အမျိုး သားတိုင်းတာဝန်ကိုယ်စီယူကာ ဖေါ်ဆောင်ဖို့ဖြစ်တေ။ (အကျယ်ကို ဤစာရေးသူ၏ တခြားဆောင်းပါးတပုဒ်ဖြစ်သော ရခိုင်အမျိုးသား ရေး တိုက်ပွဲပုံသဏ္ဍာန် ဆောင်းပါးမှာရှုပါ။)

သမိုင်းတရားခံ ဖေါ်ထုတ်ရေးကိုကား ရခိုင်သမိုင်းပညာရှင်နှင့် ပညာတတ်ရခိုင်သားရို့ တာဝန်အဖြစ် ခွဲခြားသတ်မှတ်နိုင်ရေ။ ဗမာ ကိုလိုနီစနစ် ဖျက်သိမ်းရေး တာဝန်ကိုကား ပြည်ပရောက် ရခိုင်သားတိုင်း တာဝန်ဖြစ်တေ။ အထူးသဖြင့် US ယှိ ရခိုင်သားရို့ တာဝန် အဖြစ် ခွဲခြားသတ်မှတ်နိုင်ရေ။ ရခိုင်ပြည်ကိုယ်စားပြု တပ်မတော် ဖြစ်ပေါ်လာရေး တာဝန်ကိုကား သဘောတရားနှင့် လက်တွီပေါင်းစပ် လုပ်ဆောင်ကွင်းဆင်းမှုရေ တော်လှန်ရေးသမားများ တာဝန်အဖြစ် ခွဲခြားသတ်မှတ်နိုင်ရေ။ ဤခွဲခြားသတ်မှတ်ချက်ရေ ယေဘူယျ ဖြစ်နိုင်ခြေယှိရေ။ အမျိုးသားများကို ရည်ရွယ်ခြင်းသာဖြစ်တေ။ မုချပုံသေ ဖြစ်ရဖို့ မဆိုလိုပေ။ ဤတိုက်ပွဲပုံသဏ္ဍာန် သုံးခုကိုရာ ရခိုင်သား များတာဝန်ကိုယ်စီယူ၍ ထမ်းဆောင်ကတ်ကေ ရခိုင်ပြည်ရေ မုချဧကန် လွတ်လပ်နိုင်ရေ။

အို…မျိုးချစ်ပြည်ချစ်များ အပေါင်းရို့…

အဖရခိုင်ပြည်ကြီးရေ မုချဧကန် ဗမာကိုလိုနီ ကျွန်ဖြစ်နိန်ရေ။ ရခိုင်ပြည်ရေ သမိုင်းနောက်ခံ ခိုင်ခိုင်ခံခံ ယှိရေ။ ကမ္ဘာ့ကုလသမဂ္ဂအဖွဲ့ချုပ် (United Nation Organization)၏ လက်အောက်ခံအဖြစ် မလွတ်လပ်သေးရေ တိုင်းပြည်များအား စောင့်ရှောက်ကာကွယ်ရေးကောင်စီ (သို့) ကိုလိုနီစနစ် ပပျောက်ရေးကောင်စီ (United Nation Trusteeship Council)သာ ယှိရိုးမှန်ကေ တင်ပြနိုင်အောင် ကြိုးစားကတ်မေ။ နိုင်ငံတကာ၌ “ရခိုင်ပြည်ကိုလိုနီဖျက်သိမ်းရေးကော်မတီ” ဖွဲ့စည်းပြီးဆောင်ရွက်ကတ်မေ။ မျက်မှောက်ခေတ်ရေ ဆောင်ရွက်ရန် အကောင်းဆုံး အခါသမယဖြစ်တေ။ အကြောင်းမှာ အကြောင်းအမျိုးမျိုးကြောင့် ရခိုင်အမျိုးသားများမှာ နိုင်ငံတကာသို့ ရောက်ယှိနေ ကတ်တေ။ ဂျပန်၊ ကိုးရီးယား၊ တရုပ်၊ ထိုင်ဝန်၊ သြစတြေလျား၊ ပြင်သစ်၊ ဒိန်းမတ်၊ မလေးရှား၊ နယူဇီလန်၊ နေသာလန်၊ အမေရိကန် စရေနိုင်ငံများ၌ ရခိုင်သားများ မယှိရေ တိုင်းပြည်မယှိပေ။ ယင်းနန့် မိမိရို့ရောက်တေတိုင်းပြည်၊ မိမိရို့ရောက်တေဒေသမှ တိုင်းပြည် အကျိုးထမ်းဆောင်ခြင်းဖြင့် အမျိုးသားရေးတာဝန် ကြေပွန်အောင် ဆောင်ရွက်ကတ်မေ။ နိုင်ငံတကာရောက် ရခိုင်သားများသာ တက်ကြွနိုးကြားစွာ ပါဝင်ကေ ကိုလိုနီစနစ် ဖျက်သိမ်းပီးရဖို့ဖြစ်တေ။

အို…မျိုးချစ်ပြည်ချစ်များ အပေါင်းရို့…

AD ၁၇၈၄ ခု၊ ဒီဇင်္ဘာလ (၃၁)ရက်ရေ အဖရခိုင်ပြည်ကြီး ထီးဆုံးနန်းဆုံး ဘုရင်ပါ ကျဆုံးရေနိန့် ရက်ဖြစ်တေ။ ဤနိန့်ဤရက်နှင့် အခြားနိန့်ရက်များမှာ နိုင်ငံတကာမှ တပြိုင်နက် ဆန္ဒပြခြင်း၊ လက်မှတ်ရေးထိုးတောင်းဆိုခြင်း၊ စာတမ်းပြုစုတင်ပြခြင်း စရေလှုပ်ရှားမှု များကိုရာ တပြိုင်နက်လုပ်နိုင်ကေ ကိုလိုနီစနစ်ဖျက်သိမ်းရေးကောင်စီရေ ဧကန်မုချအသိအမှတ် ပြုလာဖို့ဖြစ်တေ။ သမိုင်းအထောက် အထားခိုင်ခိုင်လုံလုံယှိရေ။ ငါရို့တိုင်းပြည်၊ ငါရို့လူမျိုးများရေ “ဗမာကိုလိုနီပါ”လို့ ကောင်စီရှေ့မှောက်သာ အစစ်ဆေးခံရကေ မုချဧကန် ဗမာကိုလိုနီကျွန်ဘ၀မှ လွတ်လပ်နိုင်ရေ။ ယင်းနန့် ငါရို့ရေ နိုင်ငံတကာ၌ “ရခိုင်ပြည်ကိုလိုနီဖျက်သိမ်းရေးကော်မတီ”ကို ဖွဲ့စည်းကတ်ဖို့ တိုက်တွန်းနိုးဆော်ရခြင်းဖြစ်တေ။ ယင်းကော်မတီများရေ (၂၁ ရာစု) နည်းပညာတိုးတက်မှုကို အသုံးချကာ Outline မှတဆင့် အချင်းချင်း ချိပ်ဆက်ခြင်းဖြင့် အောင်ပွဲရအောင်ထိ ချီတက်ကတ်မေ။

ရခိုင်သားအချင်းချင်း ညီညွတ်မှုကို ပြကတ်မေ။
ရခိုင်သားအချင်းချင်း တမိပေါက် ညီအစ်ကိုယ်ရင်းချာပမာ ချစ်ခင်ကတ်မေ။

နိုင်ငံတကာရောက် ရခိုင်မျိုးချစ်များကိုယ်စား
အရှင် မေဃိယ (ဓမ္မာစရိယ)။